د میرمن کلتوري ـ ټولنیز بهیرد اووه پنځوسمې غونډې رپوټ

زمزمه نیازۍ

د میرمن بهیر نوبتي غونډه د کابل په نوي ښار کې د ښځو چارو وزارت ته څیرمه د زده کړې په تالار کې  د۱۳۹۰ کال د سلواغې په لومړۍ نیټه د غرمې په یوه بجه پیل شوه .دغونډې مشره نظیفه نیازۍ ،ویانده نعیمه غني اوآغلې وږمه ځدران په پښتو برخه کې د ماسترۍ د پروګرام محصله د غونډې میلمنه وه.

د غونډې په سر کې دهیواد د لوی لیکوال او ادبپوه ښاغلي استادسعدالدین شپون له پاملرنې او ټیلیفوني پیغام څخه  مننه وشوه چې دبهیر دغونډو په اړه یې رااستولی و میرمن بهیر له قدرمن استاد سره  ژمنه کوي چې دموسم له سمیدو سره به یې غونډې دتیر په څیرهره اونۍ شي د بهیر غونډې یوازې دژمي دیخني له امله په دوو اوونیو کې یو ځل جوړیږي چې د کب په میاشت کې به بیرته اوونیزې شي.

همدارنګه د تکړه لیکوال او کره کتونکي اجمل پسرلي له پاملرنې څخه هم مننه وشوه چې د میرمن بهیر د ویبپاڼې او نورو فعالیتونو په کړه یې کړې ده.وروسته په کاري مسایلو لنډې خبرې وشوې او دری تنه نوې ګډون والې غړې هره یوه نبیله محبي ،عادله محبي اوآغلې مژده جانه د بهیر ګډونوالو ته وروپیژندل شوي .چې د بهیر غړو یې تود هرکلی وکړ. دغه راز د ویبپاڼې لپاره چې د ندا ساپۍ تر څنګ محموده تقوا او نعیمه غني هم موظفې شوې د انترنیټي امکاناتو په ترلاسه کیدو سره د میرمن بهیر ویبپاڼه ډیر ژر په نوې بڼه فعالیت پیل کړي.

د میرمن کلتوري ـ ټولنیز بهیرد شپږپنځوسمې اونیزې غونډې رپوټ

محموده تقوا          

د میرمن کلتوري ـ ټولنیز بهیر ۵۶ غونډه د شنبې په ورځ د ۱۳۹۰/۱۰/۱۷ کال د مرغومي د میاشتې په اوولسمه نیټه د ماسپښین په یوه بجه په نوي ښارکې د ښځو وزارت ته څیرمه په زینب تالار کې د آغلې زمزمې نیازۍ په ویندويۍ پیل شوه.

په پیل کې د میرمن بهیر د یوې فعالې غړې پوهنمل بلقیس محبوبي د ورور د مړينې له امله میرمن ګلالۍ امرخیل د قران عظیم الشان د څو مبارکو آیتونو په لوستلو سره د فاتحې مراسم تر سره کړل.

د تل په څیر د غونډې په لومړۍ برخه کې میرمن ساهره شریف پر ځینو کاري مسایلو خبرې وکړې، او د بهیر د ځینو غړیو له خوا وړاندیزونه هم وشول چې د آغلې پاکیزې آرزو وړاندیزونه چې په لاندې ډول ؤ

۱ ـ د میرمن بهیر غونډه باید سر له ننه د غرمې په یوه وبجه پیل شي او په دریو بجو پای ته ورسیږي.

۲ ـ د غونډې د ریپوټونو او د ویب پاڼې د لا ښه فعالتوب په موخه باید د بهیر له پاره د میرمن بهیر د مشرتابه له لوري د انترنټ اسانتیاوې را منځته شي.

او یو عمومي وړاندیز هم وشو چې د ژمي په موسم کې د ډیر ې یخنۍ له امله باید د بهیر غونډې په میاشت کې (۲) ځله ونیول شي او د هوا په ښه کیدو سره بیرته خپل فعالیت ته په عادي توګه دوام ورکړي، تر غور وروسته یاد وړاندیزونه د بهیروالو له خوا ومنل شول.

دمیرمن کلتوری - ټولنیز بهیرد پنځه پنځوسمې اونیزې غونډې ریپوټ

لیکونکې لطیفه لالهاند

سرچې مې دا ستا سر سره لګي په تخته

یم خوشحاله چې یوځای به خاوری کیږو

ایرې   ټولې   مو عاشقو   ته  ډالۍ   دي

پتنګان وي سوځیدلي  په رڼا  د محبت   کی

دمیر مین کلتوری ادبی بهیراونیزه غونده دروانی اونۍ دمر غومی په لسمه په نوي ښار کې دښځو وزارت ته څیرمه دزینب ننداری په تالار کې دګڼ شمیر ادب پالو خویندو په ګډون تر سره شوه.

دغونډې په پیل کی دبهیر فعالې غړې او تکړه شاعرې اولیکوالې محموده تقوا ته دکابل پوهنتون ژبوادبیاتو دیپارتمنت پښتو څانګی څخه دنوموړی په لومړۍ درجه فراغت مبارکی وویل شوه او دالله له درباره ورته دلا بریایتوبونو غوښتنه وشوه.

دمعمول په څیر دې غونډې هم دری بر خې لرلې په کاري مسایلو خبرې اترې ، کره کتنه اومشاعره وه، یاده دې وي چې دپروګرام وړاندی کونکی وړه خوتکړه شاعره لېمه نیا زۍ وه  لمړۍ بر خه چې کاري مسا یلوته ځا نګړې شوی وه  پکې خویندوته بهیر غونډی ته په منظمه توګه دورتګ غوښتنی تر څنګه دمیرمین ادبی بهیر غونډو لپاره دیوه دایمی او منا سب  ځای په هکله خبری اتری وشولی خو پایله دهغو خویند له کبله چی نه وی راغلی  را تلونکی اونۍ ته پاتې شوه .

د میرمن کلتوري ـ ټولنیز بهیرد څلور پنځوسمې اونیزې غونډې رپوټ

 لیکواله:محموده تقوا

د شنبې په ورځ د ۱۳۹۰ لمریز کال د لیندۍ د میاشتې په پنځمه نېټه د میرمن کلتوري ـ ټولنیز بهیر غونډه د ماسپښین په ۱:۳۰ د قیقو د آغلې نعیمې غني په ویندویۍ پیل شوه.او له غرمې وروسته په ۳:۳۰ پای ته ورسېده.

په پیل کې په کاري مسایلو خبرې وشوې، لومړی دمیرمن بهیر له خوا دافغان نجونو د وړتیاوو دلوړولو د دری اوونیز ورکشاپ د چمتو والي په اړه خبرې وشوې.

دغه ورکشاپ به دمیرمن بهیر له خوا د سلو تنو نجونو او هلکانو  په ګډون په نږدې راتلونکي کې په کابل کې جوړ شي. په ورکشاپ کې به په عمده توګه په لاندې موضوعاتو تمرکز کیږي:

۱- لیډرشیپ (رهبریت)

۲- له یوبل سره همکاري کول.

۳- د ټولنیزو کارونو ترسره کولو څرنګوالی

او د ورکشاپ موخه  دځوانانو ترمنځ دنیکو اړیکو ټینګول، له یوبل سره د همکاري د روحیې پیاوړي کول، یوبل ته د مهارتونو او ظرفیتونو لیږدول، دیوبل له ظرفیت او هنر څخه خبریدل

د رهبري دصفاتو پیژندنه، دځوانو رهبرانو روزنه، دتجربو شریکول ګڼل شوې ده. په غونډه کې څرګنده شوه چې مېرمن کلتوري ټولنېز بهير خپلو موخو ته د رسیدو په منظور تل زیار ایستلي چې په هره برخه کې د ځوانانو په تیره میرمنو د وړتیاوو دلوړولو په برخه کې فعالیتونه ترسره کړي، لکه څنګه یې چې تر دې دمخه د ادبیاتو، ژورنالیزم او فوتوګرافي په برخو کې ورکشاپونه او اوږدمهال سیمینارونه ترسره کړي دي..

د میرمن کلتوري ـــــ ټولنیز بهیرد دری پنځوسمې اونیزې غونډې رپوټ