|
دوه نۍ ، 29 جون 2009 ، 05:58 |
|
لیک: شګوفه مینه ټول په دې باور دي چې پښتانه کولای شي دري ژبه په ډېر اسانۍ سره زده کړي ، خو ډاډه دي چې دري ژبې هېڅکله پښتو نشي زده کولای. خو زه له دې سره مخالفه يم، او سوال مې دا دی چې که چېرې اوس مهال خلک هره ژبه زده کولای شي و او که چېرې ارواح پوهنې دا ثابته کړي دي چې هر عادي ماغزه کولای شي ديرش ژبه په ښه توګه زده کړي، نو څنګه د پښتو په برخه کې درې ژبې پاته راغلي دي. که څه هم دوی له کوچنيوالي څخه له پښتو سره په يو ډول نه يو ډول اړيکه لري او هم د ښوونځي په دوره کې هر کس مجبور دی 9 کاله پښتو ژبه ووايي.په پوهنتونو کې هم سربېره د ادبياتو پوهنځي نه په نورو پوهنځيو ، په تېره بيا په ژورناليزم پوهنځي کې شپږ سمسټره پښتو تدريس کيږي خو بيا هم يو زيات شمير محصلين ،حتی يو رقمي اعداد هم په پښتو نشي ويلای. زه ددې حالت يوه ژوندۍ شاهده يم. د مکتب په دوره هېڅکله د پښتو ژبې ښوونکې زما ګرامري پوښتنې ته سم ځواب ندي راکړي،ځکه ډېری هغه استادان چې په ښوونځيو کې پښتو ژبه تدريس کويِ، مسلکي ندي او ددې لپاره چې د پښتو ژبې استادان په عمومې کچه په هېواد کې کم دي ، هغه پښتانه چې په بله رشته کې زده کوي، او يا هغه پښتانه چې يوازي د دوولسم ټولګي فارغان دي د پښتو ژبې د تدريس لپاره په ښوونځيو کې ګمارل کيږي. او په تأسف سره د ښځينه پښتو ژبې ښوونکې شمير بيا د نارينه و په پرتله ډېر کم دی او د نجونو په ښوونځيو کې بيا حالت بيخې خراب دی. هلته بيچاره زده کوونکي له بهرنيو ژبو نه هومره نه ويريږي لکه چې د پښتو ژبې له ازموينې نه چې ډاريږي. ښه په ياد لرم چې د خپل پښتو ژبې ښوونکې څخه مې چې په وار وار د (کرزی او کرزي) تر مينځ توپير وپوښته، خو هغې يوازې راته وويل چې "دا د پښتو قانون دی او په دې اړه څه نشم ويلای." او زه بيچاره حيرانه او له سوالونو نه ډکه په دې فکر کې وم چې دا د پښتو ژبې ګرامر کوم جادوګري ده او يا زه ټنبله يم؟ هلته ادبي فنون په ميخانيکي ډول تدريس کيږي او په ځينو ادبی صنايعو باندي ښوونکې هم هېڅ نه پوهيږي،او کله کله داسې هم کيږي چې ښوونکې څو ساده ادبي صنعتونه د ازموينې لپاره نشاني کوي او له نورو صنعتونو څخه له زده کوونکي سره يو ځاي ټوپ وکړي. له يا ګانو(ی) سره خو ډېری د پښتو ژبې ښوونکې بلد نه دي او کله کله د ليکلو په وخت کې د پښتو اصلي توري هم څوک نه مراعاتوي. کله چې پوهنتون ته راغلم هلته له ځينو پښتنو ژبپوهانو سره اشنا شوم او د پښتو ګرامر په اړه په يو څه وپوهېدم او هلته پوه شومه چې په مکتب کې اصلي ستونزه څه وه؟ |
|
بشپړ متن ...
|
